 "Di trade for food, feed and fertilizers for di Black Sea dey necessary for di world food prices to dey stable. E dey sad to say dat na poor pipo and poor kontris go suffer di most", na wetin Ngozi Okonjo-Iweala wey be di Director General of di World Trade Organization tok. Di deal bin also add to di 11.6% drop for food prices worldwide for July 2022, according to di UN Food and Agriculture Organization (FAO). Now pipo dey worry say dat work go sharparly scata. "Di market dynamics go change immediately. You know say di market dey always follow di new", na how Dr Constantinos wey be econom){kind=link}
Wia dis foto come from, Reuters
Trader for Mogadishu dey clean wheat imported from Ukraine
As Russia don suspend di Ukraine deal, warning don dey come say ogbonge food shortages for Africa kontris don start as dem dey handle di problem of drought.
Many international observers surprise say Kremlin do dat kain tin just few days to di Russia-Africa Summit wey dem run for St Petersburg for July 27-28.
Di agreement wey dem don renew three times since e start for July 2022 say dem go allow cargo ships to fit pass safely along one corridor for di Black sea to and from di Ukrainian ports of Odessa, Chornomorsk and Yuzhny/Pivdennyi.